Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

Bank the Future Beach Cup San Ciascian

Stampa
Terzo post
al turnir de ciasa

In sabeda ai 13 de lugio à organisé l' Uniun Sport La Ila a San Ciascian la terza tapa dl Bank the Future BeachCup 2013. L' Bank the Future BeachCup é en zircuit de 6 turnirs de beachvolley, che vëgn tignis sura düt Südtirol. Les tapes dl 2013 é Burnech, Partschins, San Ciascian, Dorf Tirol, Sterzing y la finale a Burnech. Lapro vëgnel ince organisé 3 turnirs pur i jogn.
Sot a en cil sarëgn y cun de beles temperatüres da isté se á prejenté a San Ciascian 16 scuadres de beachvolley da Südtirol e da la Talia dl Nord pur sughè fora l' turnir plö tla munt dl Bank the Future BeachCup. Ai pisc dl Lavarela y dl Conturines se à davagnè le turnir la scuadra da Maran metüda adüm da Markus Siebenförcher y Hannes Lang davagnan dui sec sön trëi cuntra la scuadra da Balsan metüda adüm da Mattia Franceschini y Andrea Pozzato. Al  terzo post se à plazè la scuadra da La Ila metüda adüm da Marco De Lazzer y Giorgio De Grandi, che á mancé pur en sofl la finale, messëi ti la de sö tla semifinale pur 23 a 21 cuntra i beachri da Maran che se á davagnè l' turnir. Al 7°post se á plazé Cristian Pedratscher (San Ciascian) y Reinhold Pescoller (Badia) che é ruvà ti cherc de finale.
La premiaziundl turnir é gnüda tignida ta Ustaria La Bercia a La Ila.
L' Uniun Sport La Ila ringrazia düc chi che á de ca i pesc.
En bel giulan ti va ala Cassa Raiffaisen Val Badia pur l sostëgn y al Bank the Future BeachCup, che porta inat l beachvolley te Südtirol.
Les foto dl turnir é da udëi sön Südtirol Online y sön la plata facebook dl US La Ila.