Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

Raiffeisen Beach Cup San Ciascian

Stampa
L'Raiffeisen 
BeachCup arsesc
a San Ciascian

L' fin dl edema dl 12 y 13 de lugio à organisé l' Uniun Sport La Ila a San Ciascian la terza tapa dl Raiffeisen Beach Cup 2014. L' turnir da San Ciascian é uramai cunesciü tl zircuit dl Raiffeisen BeachCup sciöche l' turnir dla munt; al vëgn sughé an altezza de 1.600m te la bela culisa de nüsc crëp stluris.  
La sabeda ai 12 de lugio el gnü tigni l' turnir di ëi, ulache al se à scrit ite 18 scuadres, che gne da düt Südtirol e da la Talia dl Nord.
Ai pisc dl Lavarela y dl Conturines se à davagnè le turnir la scuadra da Balsan/Trënt metüda adüm da Andolfatto/Lutz che à batü pur püch la scuadra da Balsan metüda adüm da Mattia Franceschini y Andrea Pozzato. 4 scuadres de ciasa a tut pert al turnir; Marco De Lazzer y Giorgio De Grandi da La Ila à stlüt jö l' turnir al 5°post, Christian Dorigo (La Ila) y Matthias Pizzinini (San Ciascian) se à plaze al 9° post, Stefan Pizzinini y Matthias Frontull da La Ila al 13° post y Cristian Pedratscher (San Ciascian) y Reinhold Pescoller (Badia) à stlüt jö l turnir al 17°post.
La dumënia ai 13 de lugio el gnü tigni pur l' prüm iade a San Ciascian y tla storia dl Raiffeisen BeachCup en turnir de beachvolley de tëmp lëde ma pur ëles. Ot scuadres de Südtirol á tut pert a chësta premiere. Romina Comploi y Silvia Perathoner da Gherdëina ne se á nia lascé sciampe l' ocajiun da davagné l' turnir, stican pur 2:0 les beachres da Burnech Recla/ Pallhuber. Verena Clara (Calfosch) y Isabel Agreiter (La Ila) á stlüt jö l turnir al 6°post. Les jones dl U16 Katharina Castlunger y Martina Ploner à vaghé da se musuré cun les ëles, stlujan jö l turnir do na bona prestaziun al 8°post.

L' Uniun Sport La Ila ringrazia düc chi che á de ca i pesc y suradüt  l' Durni's Pub pur avëi organise la premiaziun di turnirs.
En bel giulan ti va ala Cassa Raiffaisen Val Badia pur l sostëgn y al Raiffeisen BeachCup, che porta inat l' beachvolley te Südtirol.
Les foto dl turnir é da udëi la plata facebook dl US La Ila.