Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

Raiffeisen Beach Cup San Ciascian 2015

Stampa
Dui scalins dl podio
pro turnir de ciasa

L' fin dl edema dl 11 y 12 de lugio à organisé l' Uniun Sport La Ila a San Ciascian la terza tapa dl Raiffeisen Beach Cup 2015. L' turnir da San Ciascian é uramai cunesciü tl zircuit dl Raiffeisen BeachCup sciöche l' turnir dla munt; al vëgn sughé an altezza de 1.600m te la bela culisa de nüsc crëp stluris. A fa garaté i dui dis de turnir é ince ste l tëmp, che se á mustre cun sü 30° de cialt y cun en cil senza niures dala süa miù pert y ti à scinche ai sugadusc les mius condiziuns da sughe a beachvolley.
La sabeda ai 11 de lugio el gnü tigni l' turnir di ëi, ulache al se à scrit ite 18 scuadres, che gne da düt Südtirol e da la Talia dl Nord.
Ai pisc dl Lavarela y dl Conturines se à davagnè le turnir chesc ann la scuadra de ciasa metüda adüm da Marco De Lazzer y Giorgio De Grandi da La Ila che à batü te finale i dui jogn da Sterzing Jakob Windisch y  Lukas Ellemunt pur 2:1 (17:21;21:11;15:5). Al terzo post se à plazé  Hannes Lang y Wolgang Haid da Maran che á albü la miù sön Sergio Meggiolaro y Flavio Vigo da Vicenza tla picera finale.
La dumënia ai 12 de lugio el gnü tigni pur l' secundo iade a San Ciascian l turnir dles ëles. L turnir è gnü davagné da Sabine Erlacher (Sterzing) y Sarah Niederkofler(Pursenù) che á batü pur 2:0 Nadine Messner y Evi Ertl da Burnech. Tla picera finale pur l terzo post se à musuré les scuadres de ciasa. Verena Clara (Calfosch) y Isabel Agreiter (La Ila) che á davagné l derby badiot cuntra Martina Ploner (San Ciascian) y Maria Wieser (Badia). Al 5° ost se á plazé Sabrina Irsara y Giulia Tavella da La Ila.

L' Uniun Sport La Ila ringrazia l' Associaziun turistica Alta Badia y l Skicarosello Corvara y düc`i atri sponsors che á sostigni la manifestaziun.
En bel giulan ti va ala Cassa Raiffaisen Val Badia pur l sostëgn y al Raiffeisen BeachCup, che porta inat l' beachvolley te Südtirol.
Les foto dl turnir é da udëi la plata facebook dl US La Ila.