Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

Richard Feichter è le prüm rè dl ping-pong

Stampa
foto_ping_pong

Richard Feichter
á la man plö asvelta


Ai 17 de november èl gnü tignì domisdè te palestra nöia da La Ila la prüma ediziun dl gran torneo de ping-pong. La manifestaziun inviada ia dal U.S La Ila è stè en suzess y à pudü cumpedè begn 32 sugadusc gnüs adarlerch da düta la Val Badia. Düc canc à cumbatü intensivamenter danter les 12 meses pur se ajudichè la finala. Al è ince stè na ocajiun pur stè en cumpagnia y passè en domisde alternatif se dan jö cun en jüg plajor che cumporta ince tröpa cuncentraziun y riflesc motorics.

 

Do düs ores de partides eson ruvà a cunesce i dui finalisc dl dè. Te na finala der plajora èl stè Richard Feichter da La Ila co à albü la man plö asvelta de Daniele Pizzinini tres da La Ila. Massa sterch èl stè Richard in chel dè co à batü l`aversar sön 3 set a 5. Le pozzer indere è jü a Julian Bernardi da La Ila. Ringraziun les scoles da La Ila y le Durni`s Pub co se à lasciè i locai pur le torneo y la premiaziun. L´U.S la Ila se aspeta indo düc canc al proscimo ann pur la secunda ediziun dl torneo.