Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

GRAN TORNEO DE PING PONG A LA ILA

Stampa
foto_ping_pongAlan Mutschlechner rè dl ping pong 2013

Te na bela finala der combatüda è stè Alan Mutschlechner co ti l`à sticada al davagnadù dl ultima ediziun Richard Feichter
.
Conzentraziun, abilites motories y tröpa tattica carateriseia le jüch dl ping pong. Palestra nöia da La Ila atrezada cun begn 12 meses da ping pong y 32 partezipenc co è stà impegnà te 8 gironi dejvalies in format Champions League: düt chesc è gnü organisè dal U.S. La Ila in sabeda ai 9 de november.
Grana è stata indo la partezipaziun y la motivaziun di sogadusc che man man à messü lascè le ciamp dal jüch pur ti lascè post ai ultimi 2 concorenc Alan y Richard co à dejfirè na finala de altiscima qualitè. Ala fin do begn 5 set sugà è stè Alan dl Lech co à batü Richard Feichter y se à insciö incoronè “Rè dl ping pong 2013”. La picia finala è stada davagnada da Simon Canins co à albü la man plö asvelta de Philipp Agreiter. I cater finalisc à pudü insciö se purtè a ciasa de bi montepremi. L´U.S La Ila ringrazia düc i partezipenc y dà indo apuntament al torneo al proscimo ann de altonn.