Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

De dl Sport 2010

Stampa
Le Trofeo 2010 se davagna la familia
de Pizzinini Daniele

Ai 3 de otober, te na bela dumenia d`altonn à l`Uniun Sport La Ila/ seziun fitness metü a jì l "Dè dl sport 2010". Indüt èl ruvè adüm 70 partezipenc da La Ila danter mituns y geniturs dals 10.30 tl ciamp dl sport da La Ila pur partezipè cun gran intensitè y interesc a chescta manifestaziun. Pici y gragn à albü la poscibilitè da se devertì fajan tröpes ativites sportives desvalìes. Le program udo dant en percour de 10 staziuns ulache i partezipenc messa se destrichè fora te deplü abilites sciöche coordinaziun, ecuiliber, agilitè, jüc cun la cogura y cun la roda, saltè y salc tl saurun. Pro vigni staziun gnel assegnè punc co gne spo ala fin cumpedà adüm. Indüt èl gnü fat 5 categories danter mituns dla scolina, elementara, ei y eles. Al pudo sambegn nia mancè le trofeo familia che è gnü metü adüm dal pere, la uma y le miù müt. Do l`ativitè söl ciamp èl düc canc che è gnüs invià a na bona griliada. La premiaziun è spo stada tignida dl bar dl sport ulache vigni partezipent à pudü piè do danter pesc, copes y medaies. L`Uniun Sport La Ila dij ciamò der bel giulan a düc chi che à daidè ala realisaziun de chescta bela manifestaziun sportiva.


Foto

Resultac' Dé dl Sport