Cursc de ginastica y divertiment d`istè

pur mituns dai 2-11 agn

L`union Sport La Ila/seziun Fitness met a jì tratan l`ìstè deplü cursc de ginastica pur mituns dai 2-11 agn. Na ocajun pur passé en bel istè fajan tröp moviment in cumpagnìa ad atri mituns. Les prenotaziuns è davertes da mà inant.

Curs de ginastica spezifica por i pici mituns

dai 2-4 agn adüm ala uma/pere

Les umes y i peresc arà la poscibilitè da acompagnè i pici mituns dai 2-4 agn fora pur le monn dla ginastica cun vigni sort de atrezatöres, jüc y staziuns de fantasia. Nösc mituns adora te chesta fascia de etè tröp moviment pur esplorè y imparè a cunesce le monn inciaria. Daidun nösc mituns a se svilupè motoricamenter y inteletualmenter ti dan sigureza tla vita da vignidè. Le curs gnarà tignì indüt pur 10 iadi tres de lünesc y jöbia dales 17.00-18.00 tla palestra nöia da La Ila cun scumenciament ai 12 de messè y gnarà tignì da Thomas Valentini y Clara Lorenz.

Pur se prenotè pon cherdè sö da mà inant al numer 0471847109 o al 3391433016 (Thomas).

Curs de ginastica y jüc por i mituns dla

scolina: “Soghè fej cresce!”

Le curs de ginastica pur i mituns dla scolina dai 4 ai 5 agn de etè scumencia ai 12 de messè tla palestra nöia da La Ila y gnarà tignì da Thomas Valentini, Lorenz Clara y Davide Moling. Le curs gnarà tignì dui iadi al edema, le lünesc y la jöbia tres dales 15.00 ales 16.30 cina ala fin de agost. Sot al motto “sughé fej crësce!”, gnaràl pité ai mituns la poscibilitè da fà tröp moviment in cumpagnia y da se devertì cun vigni sort de jüc, staziuns de fantasia, percursc de abilitè y “Jungles” de morvöies.. Le curs metarà man pur düc i mituns che se à scrit ite in lünesc ai 12 de messè dales 15.00 te palestra nöia da La Ila. Le numer de partezipanc è limitè a 40 mituns. Pur se prenotè pon cherdè sö da mà inant al numer 0471847109 o al 3391433016 (Thomas)

Program sportif d`istè pur i mituns

dla elementara y 1. mesana

I mituns arà la poscibilitè da passè en istè cun en program rich de ativites sportives y aventöres alalergia y te palestra cun Thomas Valentini y Lorenz Clara. Le curs met man ai 13 de messè y gnarà tignì dui iadi al edema, le mertesc y le veindres y jarà inant cina ala fin de agost ulache stlujaran jö l`ativitè cun na bela gita in tenda de dui dis. Le program vëiga dant ativités sportives dër desvalies: jüc te palestra y alalerìa, arpizè, nudè, atletica, staziuns “jungle“ , jadinè, gites d`orientament, acrobatica, « Adventure Park », salc ti gonfiabili, beach volley.

Le curs metarà man pur düc i mituns che se à scrit ite in mertesc ai 13 de messè. Plö avisa: le pröm grup (mituns dla 1.,2. y 3. elementara) se abina le prüm iade dales 14.30 y le secundo grup (mituns dla 4. y5. elementara y 1. mesana), se abina le medemo dè dales 16.00 tla palestra nöia da La Ila. Le numer de partezipanc è limitè a 30 mituns. Pur se prenotè pon cherdè sö da mà inant al numer 0471847109 ol 3391433016