DÈ DL FITNESS 2011
Dè dl Fitness Sabeda domisdè ai 30 de aurì se al abinè te palestra nöia da La Ila tröpa jent pur partezipè al Dè dl Fitness, metü a jì dal Uniun Sport La Ila/seziun Fitness. Mituns y mitans, jogn, ei y eles à albü l`ocajun da purvè fora vigni sort de ativites fora dl monn dl fitness. Tl program èl gnü prejentè ativites desco bai moderns pur mituns, step dance, Fitness & Fun, Health Workshop y Country Line Dance. Chesctes sarà spo ince les ativites co gnarà metüdes a jì ti proscimi agn te palestra a La Ila cun i nösc istruturs de Fitness. Begn 40 mituns y mitans à fat impara al Kids Dance y à pudü purvè fora na bela coreografìa metüda adüm dala istruturia Silvia. Ince le step è ormai en trend ulache tröpes pursones à ligreza da se lasciè trà dala müjiga Disco Dance. Cun na coreografìa metüda adüm da Silvia èl stè pici y gragn co à pudü purvè fora chescta ativitè. Na novità è stè spo le Country Line Dance. Na grupa metü adüm da gherdenes y badioc se à lascè udei na picera dimostraziun de chesc nü trend. Pur stlü jö la manifestaziun èl ciamò ste Lorenz y Veronica co à tignì en program de ginastica de condiziun y infin en workshop de ginastica sana pur le spinè y articulaziuns. Inviun düc i interessà da partezipè proscimamenter ai cursc de ginastica co gnarà metü a jì a La Ila da noscta uniun. |