Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

LA GIATISCIMA 2010

Stampa

img_6007

Renè Pitscheider
l' miù söi schi


In Lünesc de Pasca, ai 05 de auri se à incuntè chi da La Ila pur la gara dl paisc de schi. Ince chësc ann è la manifestaziun gnüda organisada dal Uniun Sport La Ila y dla Scola de schi La Ila cun gran suzes, cumpedan indüt 280 scric ite.

La gara è gnüda tignida sön la pista de Gardenacia y à metü man dales 11.00. Dales dües domisdè el ruvè i ultimi al travert, che à spo pudü ji sön Sponata a ciariè les forzes pro l’bun aperitiv arjigné ca da Werner dl Lech. I jogn y manco jogn che l’à vagada jö pur l’slalom lerch dla Giatiscima è sta chëst ann 200. Nia düc è ruvà cina jödapè; cun gran descplajëi an messè saludè en per de gipsc ala premiaziun. En “düt l’bun” ti va a chi che se á fat me tratan la competiziun.

La festa de premiaziun è güda tignida tla usatria La Bercia. Dan na bela atmosfera él gnü premié man man les 29 categories. L'atlet plö asvelto è ste René Pitscheider da Ninz che à davagnè l' trofeo dla Giatiscima 2010, stanziè dala Gara de Copa dl Monn. Ciafè la copa à ince les categories dles families. La miù familia dl' start a Plaön è stada chëla de Stefan Gasser, cun al secundo post chëla de Werner Ploner y al terzo post chëla de Werner Bernardi. La miù familia che è piada ia da Plan de Sponata è stada chëla de Zingerle Sepl, cun al secundo post la familia de Adolfo Fornasier.

Sciöche la tradiziun ó, él gnü surandè en pest a Adolfo Fornasier sciöche atlet manco jonn y a Ivan Anvidalfarei sciöche atlet plö jonn.

Do la premiaziun, che è gnüda tignida de fora, à düc canc pudü sen ji da ite a se scialdè pro en bun bis de pasta y riji. Incër les  21,00 ela jüda inant cun la trata dla ola dla furtüna ulache 30 bi pesc` aspeta da ciafè patrun. Grana ê la tenjiun canche al e ma plö i prüms cater pesc`da tra fora; l' iade da en valur de mile euro, en Skipass Alta Badia pur la stajun 2010/11, en fin dl edema al Aquadom a Sölden y en bel per de schi, scincà da Skiservice de Costa Renato.

La sëra è jüda inant cun Alexander Pezzei, che cun süa müjiga da bal al de na bela atmosfera ala festa. La Giatiscima 2010 se à spo stlüt jö tert tla nöt cun les sceibes de DJ Lück y i tröc ciantauturs de paisc.

En bel giulan ti va a düc` chi che à daidè y che à de ca pesc` pur la Giatiscima.
En giulan sinti ti va ala Fraziun da La Ila, ala Cassa Raiffeisen Val Badia, a Skiservice Renato, ala Pizzeria La Bercia, ala Ütia de Sponata, ai Lifc de Gardenacia y a Foto Dolomit.

Les foto dla gara po gni lascades fa do tla butëga de Foto Dolomit a La Ila.

Chilò ciafes la tlassifica:
Tlassifica

Düc i pesc dla Ola dla Fortüna é gnüs retira. En bel giulan:
Pesc Ola dla Furtüna