Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

LA GIATISCIMA 2011

Stampa

Luca Tiezza
l' miù söi schi

Dumënia, ai 03 de aurì se à incuntè chi da La Ila pur la gara dl paîsc de schi. Ince chësc ann é la manifestaziun gnüda organisada dal Uniun Sport La Ila y dala Scola de schi La Ila cun gran suzès , cumpedan indüt 312 scric ite.

La gara é gnüda tignida sön la pista de Gardenacia y à metü man dales 7.45 cun la novité dl 2011, la gara dles pels. Bëgn 36 é sta i partezipanc che se à sfidé sö pert, tiran fora dütes les forzes . Dales 10.30 é la gara jüda inant cun i schi. Canche ince i ultimi è ruvà al travert à düc i partezipanc podü jì sön Sponata a ciarié les forzes pro de bones liagnes balnces arjignades ca da Werner dl Lêch. I jogn y manco jogn che l'à vagada jö pur l'slalom lerch dla Giatiscima é sta chësc ann 202.

La festa de premiaziun é gnüda tignida tla usatria La Bercia. Dan na bela atmosfera él gnü premié man man les 31 categories. L'atlet plö asvelt cun les pels é ste Irsara Andreas, sön i schi él ste Luca Tiezza che à davagné l'1° trofeo Costa Oskar, stanziè dala Gara de Copa dl Monn. Ciafè la copa à ince les categories dles families. La miù familia dl' start a Plaön é stada chëla de Pizzinini Gusto, cun al secundo post chëla de Werner Ploner y al terzo post chëla de Werner Bernardi. La miù familia che é piada ia da Plan de Sponata é stada chëla de Sergio Tiezza, cun al secundo post la familia de Ploner Werner.

Sciöche la tradiziun ó, él gnü surandè en pest a Adolfo Fornasier sciöche atlet manco jonn y a Rebecca Michelotto sciöche atleta plö jona.

Do la premiaziun à düc canc ciafè en bun bis. Incër les  21,00 éla jüda inant cun la trata dla ola dla fortüna olache 36 bi pesc aspeta da ciafè patrun. Grana ê la tenjiun canche al ê ma plö i prüms trëi pesc da trà fora; l' iade da en valur de mile euro, en Skipass Alta Badia pur la sajun 2011/12 y en bel per de schi, scincà da Skiservice de Costa Renato.

La sëra é jüda inant cun Alex Pezzei, che cun süa müjiga da bal al de na bela atmosfera ala festa. La Giatiscima 2011 se à spo stlüt jö tert tla nöt cun les scëibes de DJ Tino.

En bel giulan ti va a düc chi che à daidé y che à de ca pesc pur la Giatiscima.
En giulan sintì ti va ala Fraziun da La Ila, ala Cassa Raiffeisen Val Badia, a Skiservice Renato, ala Pizzeria La Bercia, ala Ütia de Sponata, ai Lifc de Gardenacia y a Foto Dolomit.

Chilò ciafes la tlassifica:

tlassifica

Pesc Ola dla Furtüna

Foto dla Giatiscima