Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

LA GIATISCIMA 2012

Stampa

Richard Feichter y Luca Tiezza
é i mius söi schi

In Dumënia, al 01 de aurì se à incuntè chi da La Ila pur la gara dl paîsc de schi. La Giatiscima è gnüda organisada dal Uniun Sport La Ila y dala Scola de schi La Ila y an á pudü cumpedé sö pur 300

scrit ite. 

 

 Bel da mesa les ot da duman se á prejenté 33 atlec cun i schi da pels al start. Sot a en bel cil serëgn y cun temperatüres uramai da isté à i atlec cumbatü cuntra i 340 metri de dejlivel pur ruvé sön insom al lift de Gardenacia.
Da mesa les ünesc el spo pé ia la gara di schi cun i meindri sö Plaön y dedo cun i gragn che pia ia sön Plan de Sponata. Incër mesa les dües à taié l' ultimo atlet l' travert cui schi, stlujan jö la pert sportiva dl de. Cun liagnes blances ela jüda inant sö tla ütia de Sponata, ulache düc á pudü ciarié les forzes sla cuntan y ste adüm.

La festa de premiaziun é gnüda tignida tla scola mesana da La Ila. Dan na bela atmosfera él gnü premié man man les 36 categories. L'atlet plö asvelt cun les pels é stè Feichter Richard y sön i schi à pudü pié do l 2° trofeo in record de Costa Oskar, pur l secundo ann indolater, Luca Tiezza.Chëst ann el ince ste premié la combinada pels y schi che é stada davagnada da Feichter Richard.
Ciafè la copa à ince les categories dles families. La miù familia dl' start a Plaön é stada chëla de Feichter Richard, cun al secundo post chëla de Pizzinini Roland y al terzo post chëla de Castlunger Elmar. La miù familia che é piada ia da Plan de Sponata é stada chëla de Sergio Tiezza, cun al secundo post la familia de Gasser Stefan y al terzo post chëla de Bernardi Werner.

Sciöche la tradiziun ó, él gnü surandè en pest a Adolfo Fornasier sciöche atlet manco jonn y a Rebecca Michelotto sciöche atleta plö jona.

Do la premiaziun à düc canc da cëna na pasta y incër les  mesa les nü éla jüda inant cun la trata dla ola dla fortüna olache 35 bi pesc aspeta da ciafè patrun. Grana ê la tenjiun canche al ê ma plö i prüms trëi pesc da trà fora; l' iade da en valur de mile euro, en Skipass Alta Badia pur la sajun 2011/12 y en bel per de schi, scincà da Skiservice de Costa Renato.

La sëra é jüda inant cun la  müjiga da bal de i "Da piz a cantun" che á spo stlüt jö la Giatiscima 2012.

En bel giulan ti va a düc chi che à daidé y che à de ca pesc pur la Giatiscima.
En giulan sintì ti va ala Fraziun da La Ila, ala Cassa Raiffeisen Val Badia, a Skiservice Renato, ala Scola mesana da La Ila, ala Ütia de Sponata, ai Lifc de Gardenacia y a Foto Dolomit.

tlassifica

Pesc Ola dla Furtüna


REPORTAGE GIATISCIMA  TG LADIN  dl 07.04 2012 al menüt 15,33