Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

LA GIATISCIMA 2013

Stampa

Richard Feichter y Robert Rottonara
davagna söi schi

In sabeda ai 06 de aurì se à incuntè chi da La Ila pur la gara dl paîsc de schi. La 5° Giatiscima è gnüda organisada pur i 290 scric` ite dal Uniun Sport La Ila y dala Scola de schi La Ila

 

Da mesa les ot da duman se á prejenté 36 atlec cun i schi da pels al start, che ne se á nia lascé spriguré dal tëmp. Sot ai floc de nëi musceda a plöia, à i atlec cumbatü cuntra i 340 metri de dejlivel pur ruvé sön insom al lift de Gardenacia pasan chëst ann pur Büja dl Lú, giulan a la töpa nëi tumada te chësc inver.
Da mesa les diesc el pé ia la gara di schi cun i meindri sö Plaön y plö tert cun i gragn, che pia ia sön Plan de Sponata. Incër mesa la üna à taié l' ultimo atlet l' travert, stlujan jö la pert sportiva dl de. Pur ciaré les forzes el ste la Ütia Florian sö Plaön che á ufri liagnes blances a düc i atlec` che se à scrit ite a La Giatiscima.

La festa de premiaziun é gnüda tignida dales sis da sëra tl Hotel Savoy. Dan na bela atmosfera él gnü premié man man les 37 categories. L'atlet plö asvelt cun les pels é stè Feichter Richard, che á batü te en sprint püch dan l' travert Denis Costa. Do l 2012 se á ince chëst ann Richard Feichter davagne l' trofeo in record de Costa Oskar. La prüma ëla da ruvé sön Sponata é stada la jona Melanie Ploner che se á plazé al 6° post tla tlassifica generala de chi dles pels.
La gara di schi è stada davagnada da Robert Rottonara che á pudü pié do pur l prüm iade l' trofeo in record de Leo Pitscheider. L' ëla plö asvelta söi schi è stada la jona Castlunger Katherina da Funtanacia. La combinada pels y schi é stada davagnada da Feichter Richard.
Ciafè la copa à ince les categories dles families. La miù familia dl' start a Plaön é stada chëla de Castlunger Elmar, cun al secundo post chëla de Feichter Richard y al terzo post chëla de Pizzinini Gusto. La miù familia che é piada ia da Plan de Sponata é stada chëla de Gasser Stefan, cun al secundo post la familia de Pizzinini Gusto y al terzo post chëla de Ploner Werner.

Sciöche la tradiziun ó, él gnü surandè en pest a Adolfo Fornasier sciöche atlet manco jonn y a Frenademez Angelika sciöche atleta plö jona.

Do la premiaziun à düc i scric` ite ciafé na pasta da cëna y incër la  mesa les nü ela jüda inant cun la trata dla ola dla fortüna, olache 40 de bi pesc aspeta da ciafè patrun. Grana ê la tenjiun canche al ê ma plö i prüms trëi pesc da trà fora; l' iade da en valur de mile euro, en Skipass Alta Badia pur la sajun 2013/14 y en bel per de schi, scincà da Skiservice de Costa Renato.

La sëra é jüda inant cun la  müjiga da bal de i "Da piz a ciantun" che á spo stlüt jö la Giatiscima 2013.

En bel giulan ti va a düc chi che à daidé y che à de ca pesc pur la Giatiscima.
En giulan sintì ti va ala Fraziun da La Ila, ala Cassa Raiffeisen Val Badia, a Skiservice Renato, ala Ütia Florian, al Hotel Savoy, ai Lifc de Gardenacia y a Foto Dolomit.

  
           Trofeo Costa Oskar                                       Trofeo Pitscheider Leo

tlassifica

Foto

  
Pesc ola dla furtüna

I mius de La Giatiscima