Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

LA GIATISCIMA 2014

Stampa

Richard Feichter y René Pitscheider
i plö stersc söi schi

 

La 6° ediziun dla Giatiscima, gara de schi dl paisc da La ILa, é gnüda tignida chëst ann anter dui dis. La gara è gnüda organisada pur i 245 scric` ite dal Uniun Sport La Ila y dala Scola de schi La Ila

 

 L' veindres sera ai 04. de auri, dales 20,00 se á incunté 54 atlec` cun i schi da pels jödapé dl lIft de Gradenacia pur cumbate cuntra i 340 m de dejlivel pur ruvé al travert sö Plan de Sponata. Sciöche l'ann passè se à tosc  purté a ce i dui favoric` Richard Feichter y Costa Denis. Cina presc söinsom el Costa Denis dan da düc`, mo püc metri dan l travert el Richard Feichter che é ste bun da ti la stichè davagnan l' incuntada dles pels pur l terzo ann indolater. Melanie Ploner é stada la miù ëla dl incuntada. Do che düc é ruva al travert an pudü to ite na bona pasta tl ütia Sponata ulache al é ince gnü fat la premiaziun.

La sabeda ai 05. de auri el sön l program la gara di schi, che é gnüda organisada chëst ann sön Piz La Ila, sön la pista Roby. Da mesa les diesc  da duman el pé i plö pici. L' miú tëmp tra les portes el stè Pitscheider Renè che á albü y l' ëla plö asvelta é stada la jona Vicky Bernardi.

Do che l' ultimo atlet à taiè l' travert se à düc` i scric` ite parè la fan tla Ütia La Brancia cun na bona marëna. Da mesa les trëi el gnü tigni la premiaziun dles 25 categories.
Richard Feichter à pié do l' trofeo in record de Costa Oskar y Pitscheider Renè  l' trofeo in record de Leo Pitscheider. La combinada pels/schi é stada davagnada chëst ann da Sorarù Raimund.
Ciafè la copa à ince les categories dles families. La miù familia dl' start a cürt é stada chëla de Richard Feichter, cun al secundo post chëla de Frenademetz Mirko y al terzo post chëla de Feichter Erwin. La miù familia che é piada ia sön Col dla Brancia é stada chëla de Bocconcello Andrea.

 

Sciöche la tradiziun ó, él gnü surandè en pest a Adolfo Fornasier sciöche atlet manco jonn y a Pizzinini Daniel sciöche atlet plö jon.

 

Da mesa les cater ela jüda inant cun la trata dla ola dla fortüna, olache 40 de bi pesc aspeta da ciafè patrun. Grana ê la tenjiun canche al ê ma plö i prüms trëi pesc da trà fora; l' iade da en valur de mile euro, en Skipass Alta Badia pur la sajun 2014/15 y en bel per de schi, scincà da Skiservice de Costa Renato.

 

Tratan düt l de el ste DJ Zinger-Lo che á metü sö müjiga e che á spo ince stlüt jö la Giatiscima 2014 tl tert domisdé.

En bel giulan ti va a düc chi che à daidé y che à de ca pesc pur la Giatiscima.
En giulan sintì ti va ala Fraziun da La Ila, ala Cassa Raiffeisen Val Badia, a Skiservice Renato, ala Ütia de Sponata, ala Ütia La Brancia, ai Lifc de Gardenacia, al Skicarosello Alta Badia, ai stüdafüch da La Ila y a Foto Dolomit.

  
Tlassifica

Dütes les foto
 
I mius de La Giatiscima