Julian Pizzinini y Andreas Irsara i plö asvelti!

Sabeda ai 31 de merz el gnü tigní la 10° ediziun dla Giatiscima, gara de schi dl paisc da La ILa. La gara é gnüda organisada dal Uniun Sport La Ila y dala Scola de schi La Ila.  
In chësc ann se á incunté 22 atlec cun i schi da pels dales 7,30 jödapé dl lift de Gardenacia pur cumbate cuntra i 340 m de deslivel y ruvé pur prüms al travert sö Plan de Sponata. L prüm da ruvé sö é ste Andreas Irsara dan Richard Feichter y Ploner Nicolas. Moretti Marianne é stada la miú dles ëles, pro i mitus é ste Emanuel Pescollderungg le plö asvelt.

Dales 9.30 á lascié chi da les pels le post ai 88 atlec sön i schi. L'miú tëmp jö pert á fat Julian Pizzinini. L'ëla plö asvelta é stada Elisa Crazzolara.

Do che l'ultimo atlet á taié l travert se á düc i scric ite paré la fan tla Ütia Florian cun na bona marëna.
Canche düc é sta pasciüs el gnü tigni la premiaziun. Andreas Irsara á pudü pié do l trofeo en record de Sepl Rottonara y Julian Pizzinini l'trofeo en record de Edo Agreiter. La combinada pels/schi é stada davagnada da Luca Tiezza y Sorarú Elena. Ciafé la copa á ince les families plö asveltes: la familia de Pepi Comploi pur le start cürt y chëla de Freddy Planinschek pur le start lunch.

Sciöche la tradiziun ó, el gnü surandé en pest a Walter Frenademez sciöche atlet manco jonn y a Marie Tavella sciöche atleta plö jona.
Dales trëi ela jüda inant cun la trata dla ola dla fortüna, olache 50 bi pesc á ciafé patrun.

En bel giulan ti va a düc chi che á daidé y che á de ca pesc pur la Giatiscima.
En giulan sintí ti va ala Fraziun da La Ila, ala Cassa Raiffeisen Val Badia, a Skiservice Renato, a Ütia Florian , ai Lifc de Gardenacia y a Foto Dolomit.

Classifica