Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

LA GIATISCIMA 2009

Stampa
 LA GIATISCIMA 2009

Alex Zingerle l'miù da La Ila tra les portes de Gardenacia

In dumenia ai 05 de auri se à incuntè chi da La Ila pur la gara dl paisc de schi. Sön invit dl Uniun Sport La Ila y dla Scola de schi La Ila se al scrit ite ala Giatiscima bëgn 220 porsones.

La gara è gnüda tignida sön la pista de Gardenacia; la novitè de chëst ann é ste i dui starc`. Un en start é gnü metü sö a Plaönn, da ulache al pia ia i mituns cina la scola elemntara. La gara pur düc` i atri pia ia da Plan de Sponata. Dales 11.00 danmisde, cun en bel tëmp e temperatures da ainsciüda el piè ia l'prüm pic`atlet sö Plaönn. Da mesa les dodesc piá spo ia la prüma categoria dles ëles da Plan de Sponata jö. I proscimi e chi dla brëia, l telemark y ala fin les categories di ëi. Do che i 170 atlec` che se á prejentè al start a ruvé la gara, ai pudü se ciariè les forzes tla Ütia de Sponata, ulache Werner dl Lech à arjignè ca en pic`aperitiv.

La festa de premiaziun è gnüda tignida tla pizzeria La Bercia. Düc` iscric ite è gnüs invià dales 7 da sëra a se mangiè en taì de pasta, ala premiaziun y ala trata dla ola dla furtüna.

Metü man à la premiaziun cun en ghest particolar; l'“Mino“, che do avei salüdé düc chi da La Ila al surandè a düc i atec` plö pici en pic` pest de partezipaziun. I mius trëi de vigni categoria à spo pudù piè do les medaies y les copes dades ca dala dala Cassa Raiffeisen Val Badia.

L' atlet plö asvelto è ste Alex Zingerle da Boscdaplan che à davagnè l' trofeo dla Giatiscima 2009 scinchè dala Gara de copa dl Monn. La miù atleta dles ëles è stada l'Elisa Crazzolara da Alta La Ila. Ciafè la copa à ince les categories dles families; dejfaranziè el gnü tra les families che pia ia cun l' müt sö Plaönn y chëles che pia ia cun l'müt sön Plan de Sponata. La miù familia dl start a Plaönn è stada chëla de Frenademez Norbert, cun al secundo post chëla de Pizzinini Gusto y al terzo post chela de Ploner Werner. La miù familia che è pada ia da Plan de sponata è stada chëla de Zingerle Sepl, cun al secundo post la familia de Frenademez Norbert y al terzo chëla de Dorigo Sergio.

Sciöche tradiziun ò, el gnü surandé en pest a Agreiter Giuvani d' Altin sciöche atlet manco jonn y a Planinschek Andrea sciöche atlet plö jonn.

Do la premiaziun ela jüda inant cun la trata dla ola dla furtüna ulache 50 pesc aspeta da ciafè patrun. Grana ê la tenjiun canche al e ma plö i prüms cater pesc da tra fora; la televijuin a 32 poresc, en fin dl edema al Aquadom a Sölden, l' skipass Alta Badia y en bel per de schi, scincà da Skiservice de Costa Renato.

La sëra è jüda inant cun Alexander Pezzei, che cun süa müjiga da bal al de na bela atmosfera ala festa. La Giatiscima 2009 se à spo stlüt jö tert tla nöt cun l' aiüt de DJ Lück.

En bel giulan ti va a düc` chi che à daidè y che à de ca pesc` pur la Giatiscima. En giulan sinti ti va ala Fraziun da La Ila, ala Cassa Raiffeisen Val Badia, a Skiservice Renato, ala Pizzeria La Bercia, ala Ütia de Sponata, ai Lifc de Gardenacia y a Foto Dolomit.

Les foto dla gara po gni lascades fa do tla butëga de Foto Dolomit a La Ila.

Chilò ciafes la tlassifica:
Tlassifica.pdf


Der bel giulan ti va a düc` chi che à de ca i pesc`:
sponsor Ola dla Furtüna.pdf