Ala fin di agn 60 se à sclarge fora tla Val Badia l' jüch dl palon. Tla valada el vigni paisc che a na scuadra de palon y  tl 1971 el gnü tigni l' prüm turnir a livel de valada. La Ila a sambëgn ince tut pert cun na scuadra.  I allenamenc y les partides gne tignides jö in Chi Parüsc. Sciöche l' inom dij bele, se tratala de pastüres da plan, mo bindebo da parü jö dlungia la Gran Ega. I jogn apasciona dl jüch al palon se incunta do vöies jö in Chi Parüsc a cöie adüm peres y a tra indërt l ''grunt , pur pudëi sughè plö sauri; inscö el gnü a se de l' prüm ciamp da palon te La Ila.

Tl 1975 el spo gnü metü sö ufizialmënter l' Uniun Sport La Ila cun a ce l' prüm presidënt Seppl Rottonara (Longer). Te chisc agn gnel sughè ma a palon.
Tl 1978  se à metü adüm sugadusc di cin paisc dl Alta Badia, pur to pert al campionat de palon provinzial de 3 categoria, dan vita inscö al Uniun Sport Alta Badia. I campionac de valada purdo bel plan de importanza, ciudi che  tres deplö scuadres tolo pert al campionat provinzial. Inscö se ala purtè pro che tl ann 1985 el gnü sugè l' ultimo campionat de palon a livel de valada.

Tl 1975 el deventè Giuvanin (Valentini) presidënt, che se à cruziè che La Ila ciafes en ciamp da palon nü. Cun l' aiüt dl umbolt Hermann dl Soz, el ste bun a ruvè pro i finanziamenc provinziai pur la realisaziun de na plaza dl sport nöia.

Tl 1977 vegnel lité Pitscheider Leo (de Poldele) president dl uniun. Leo se crüzia suradüt de ruvé e da ingrandi l ciamp dl sport da La Ila. Insciö ciafa La Ila tosc ince na pista da salté incer l ciamp ia. Al vegn ince metü sö la seziun atletica, che se crüzia suradüt dla manutenziun dl ciamp. Tl 1989 vegnel organisé la festa dl sport, ulache düta La Ila se abina pur garejé te proes de atletica.

Tl 1992 vegnel metü sö la seziun volley. Te vigni paisc gnel metü sö scuadres y al vegn organisé l campionat dla Val Badia.

Tl 2002 vegnel lite De Lazzer Marco sciöche president dl uniun. Al resta ma plö la seziun volley cun ativité.

Tl 2007 vegnel lité De Grandi Giorgio president dl uniun. Te chesc ann vegnel ince metü sö danü la seziun palon y al vegn tut ince ite i Barantli Alta Badia, che fej l campionat sot al US La Ila

Tl 2008 vegnel mudé jö l statut y l uniun vegn scrita ite tl register de volontariat.
Tl medemo ann vegnel spo ince metü sö la seziun Telemark.

Tl 2010 vegnel metü sö la seziun Fitness.

Tl 2011 vegnel tut sö les seziuns Telemark y Fitness tl VSS, L' uniun cumpeda passa 200 scric ite.