Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

La storia dla seziun Volley

Stampa

 
VOLLEY LA ILA


 
1992 Tl 1991 vegnel metü a ji l prüm turnir de volley dla Val Badia. La Ila tol pert cun na scuadra y al é bona da purte a ciasa l prüm post, davagnan la finale cuntra San Martin. Üdü l gran interesce pur l volley de chisc agn, vëgnel metü sö ai 21.10.1992 la seziun Volley dl Uniun Sport La Ila. L' prüm caposeziun è Otto Moling, che manajëia la seziun cina tl ann 1994.
La scuadra de La Ila tol pert al 2°campionat dla VB y se plaza al secundo post, do la finale purdüda cuntra San Martin. Les tutes vegn sponsorisades dala Ütia de Pöz.
1993 Da chesc ann inantl vegel organisé dui turnirs de volley dla Val Badia. L`trofeo Banca Popolara vegn organisé d' aisciüda  y le trfeo Cassa Raiffeisen, che vegn tigni de altonn. Pro trami i turnirs se plaza le Volley La Ila al 2°post.
1994 Otto Moling da jö l' inciaria de caposeziun, a so post vëgnel litè Castlunger Ludwig.
Pro i dui campionac dla VB é la scuadra da La Ila bona dai davagné trami, tres vegnel sughé fora la finale cuntra San Martin.
1995
La scuadra da La Ila tol pert al campionat dla Val Badia. Da aisciüda stlüj le Volley La Ila jö al prüm post y d' altonn rüvla 2°.
1996 Ploner Freddy deventa caposeziun.
Pur l prüm iade vegnel ince metü a ji l turnir dal VB pur les eles. La scuadra di ei y la scuadra dles eles se plaza intrami al 2°post.
1997
Pur la scuadra vëgnel arjigne tutes nöies sponsorisades da skiservice Renato.
Pro l campionat de aisciüda tolel pert indüt 11 scuadres; 6 de ei y 5 de eles. L turnir vegn davagne da San Martin pro i ei y da Lungiarü pro les eles. les scuadres da La Ila se plaza al secundo post . Miu ti vala a La Ila d' altonn; trames les scuadres davagna l campionat.
1998 Al vegn organisé l ultimo campionat dla Val Badia
Sciöche caposeziun vëgnel lité De Grandi Giorgio.
1999 L turnir dla Val Badia ne vegn nia plö organisé, deache al ne nia plö assà scuadres che tol pert. Al vegn tigni inant les incuntades de jüch te palestra a La Ila vigni veindres. Al vegn sughé partides cuntra atres scuadres a temp lede, sciöche Gherdena, San Ciana, La Val y Lungiarü.
2000 An pro da realise en ciamp da beachvolley tla zona dl sport a La Ila. Al vegn pite l alternativa da anuzè l ciamp da tennis sintetich. D' iste se incuntun a sughé a volley defora söl ciamp da tennis sintetich a La Ila. An ò purvé fora l sughé a volley dui cuntra dui.
2001 Al vëgn organisé l prüm VijoCup, turnir de volley a dui tl ciamp sintetich dl tennis a La Ila. Al turnir tolel pert 18 scuadres, valgünes vegn da Gherdena.
2002 Marco De Lazzer vëgn lité sciöche caposeziun.
La scuadra tol pert y davagna l turnir dla Val Badia organisé indo do da 5 agn US La Val.
2003
L' Skiservice Renato sponsorisëia les maglies da jüch ala scuadra. D' istè vegel organisé iadi tles nodadoies de Valdaura y Sest pur sughé a beachvolley.
2004 Pur l prüm iade tol per Valentini Thomas y De Grandi Giorgio al Bank the Future Puschtracup, turnir de beachvolley de puster. De Lazzer Marco y De Grandi Giorgio tol ince pert al SecedaCup, turnir de beachvolley a Urtijëi.
De Grandi Giorgio vëgn lite sciöche caposeziun.
De altonn vegnel tut sö contat cun l' Uniun Sport San Ciascian pur la realisaziun de en ciamp da beachvolley. Bel da de plö agn à la seziun purvé da fa en ciamp a La Ila, che ne é nia gartè y purchel an fat la proposta de trasformé le ciamp da giara dla zona dl sport a San Ciascian te en ciamp da saurun.
2005 Do l sostegn dl Uniun Sport San Ciascian y suradüt de so president Thomas Pescollderungg dla Costa, an metü man tratan l' aisciüda cun i proiec dl ciamp y cun l chiri fora l saurun. L' beachvolley é deventè la nöia pasciun dla seziun y deplö scuadres tol pert al BTF Puschtracup. 
Ai prüms de lugio vegnel stüt jö i laurs pro l nü ciamp de beachvolley a San Ciascian, che deventa un di plö bi de Südtirol.
Al vëgn ince tigni en curs de volley pur i scolari dla scola mesana.
L' VijoCup vëgn sughé pur l prüm iade tl saurun a San Ciascian.
2006 Cun l ciamp nü da beachvolley pon se allené sciöche al toca. Marco De Lazzer y De Grandi Giorgio stlüj jö al terzo post l' BTF PuschtraCup, ulache al tol pert sugadusc de uramai düt Südtirol. Al vegn sugé a Türesc, Sexten, Valdaora y Burnech.
2007 La seziun se da jö uramai presc dl düt cun l beachvolley. De Lazzer Marco y De Grandi Giorgio tol pert adütes 4 les tapes dl zircuit. Gran resultat ti el garaté tl turnir da Burnech, ulache i dui se davagna l turnir. Ala fin di 4 turnirs esi bogn da slü jö al prüm post l' BTF PuschtraCup 2007. En bel resultat pur l volley La Ila.
Tratan l' iste vegnel organisé dal' Uniun Sport Corvara en curs de beachvolley.
De Grandi Giorgio resta inant caposeziun.
2008 De Lazzer Marco y De Grandi Giorgio tol indo pert al zircuit de beachvolley y do avei sughé a Türesc, Sexten, Valdaora y Burnech stlüj i dui jö al terzo post l BTF PuschtraCup.
2009 l BTF PuschtraCup y l BTF SüdtirolCup vegn metüs adüm y pur l prüm iade ciafa Südtirol en su zircuit de beachvolley. Al vegn carde in vita l Bank the Future BeachCup; i cater turnirs de beachvolley vegn tignis spartis fora te düt Südtirol. Do en secundo post a Türesc, dui terzi posc a Kaltern y a Rabland y le cuinto post a Burnech se à davagne Marco De Lazzer y De Grandi Giorgio l prüm BTF BeachCup.
Al vegn tigni en curs de volley pur i scolars dla scola mesana
2010
Verena Clara y Sara Pescollderungg tol pert al BTF BeachCup U18 y stlüj jö l turnir al 5°post.
Ala fin de agost vegnel invié ia l prüm Ladinia Beach Cup. Al se tarata de en zircuit de dui turnirs de beachvolley; un vegn organisé dal ASV Gherdeina a Urtijei y le secundo dal Uniun Sport La Ila a San Ciascian (VijoCup). De Lazzer Marco y De Grandi Giorgio se plaza al 3°post, Pedratscher Cristian y Pescoller Reinhold se plaza al 4°post y Clara Verena y Pescollderungg Sara stlüj jö al 6°post.
La scuadra tol pert tartan l'altonn/ inver pur l prüm iade al campionat dla Val dl Isarch.
2011 La scuadra stlüj jö l turnir dla Val dl Isarch al 5°post. Al vegn lite danü l cunsei; De Garndi Giorgio vegn riconfermé president, vizepresidenta deventa Verena Clara y Christian Dorigo acunsiadù. Tl meis de ma y spo fora pur l iste vegnel organisé en curs de beachvolley. Ai 2  de jügn organiseia la seziun l turnir de beachvolley pur i scolars dles scoles altes. De lugio ciafa San Ciascian pur l prüm iade na tapa dl Bank teh Future Beach Cup de Südtirol. Te chesc turnnir se plaza Marco De Lazzer y De Grandi Giorgio al secundo post. De setember vegnel organisé l Ladinia Beach Cup. I dui beacri da La Ila se davagna l turnir y ince l Ladinia Beach Cup 2011.
2012

 L' volley se sposta tres plö söl saurun y la maiù ativité al d' iste cun l beachvolley. Do che an se à tigni in forma pur düt inver te palestra a La Ila an metü man de mà cun en curs de beachvolley pur i scolars dles scoles mesanes.
De jügn el gnü indo organise l turnir de beachvolley dles scoles tl ciamp da saurun a San Ciascian. De lugio el gnü organisé en secundo curs de beachvolley pur i scolars, che se á stlüt jö cun l turnir Bank the Future BeachCup di Jogn a Burnech. L Uniun sport La Ila se à prejenté a Burnech cun begn 8 scuadres.
Uramai ne pon nia plö punse demez l Ladinia Beach Cup che vegn organise adüm cun l’ Volley Gherdeina, che é ruve chest ann ala süa terza ediziun.L turnir de Urtijëi vegn davagné da Marco De Lazzer y Giorgio De Grandi.
De nuvëmber an pudü festejé i 20 agn dl Volley La Ila.
Intratan l ann 2012 è deventà Pescoller Reinhold y De Grandi Giorgio traineri de volley. De Grandi Giorgio á ince fat l ejam da maester de beachvolley

2013 Tl 2013 vegnel lite danü l cunsei dla seziun Volley; caposeziun resta De Grandi Giorgio, Vizecaposeziun resta inant Clara Verena y sciöche acunsidessa vegn litada Agreiter Isabel.
Al vegn tigi cursc de beachvolley y investi töp sön l laur di jogn. A Burnech vegnel tigni en allenament cun ex sugadusc dla World Tour de Beachvolley pur i jogn. Al vegn tut pert a tröc turnirs dl Beachcup y organise l turnir dles soles altes
A San Ciascian vëgnel organise na tappa dl Beachcup. La scuadra de ciasa metüda adüm da De Lazzer Marco y De Grandi Giorgio stlüj jö l turnir al terzo post.
L Ladinia Beachcup vëgn indo organise adüm cun l volley Gherdeina.
2014 I gragn dl volley tol indo pert al campionat dla Val dl Iasarch.
L' Volley La Ila se scri ite ala FIPAV y mët sö l grup agopnisich de beachvolley, che tol spo pert ai turnirs dl Raiffeisen Beachcup.
A San Ciascian vëgnel organise tl secundo fin dl edema de lugio en turnir di ëi.
L Ladinia Beachcup vegn indo tigni de setember. I jogn se musura dl turnir dles scoles altes organise de jügn y fora pur l iste vegnel tigni deplö cursc de beachvolley.
Al vëgn metü sö pur l prüm iade na scuadra de jones U 20 che tol al campionat dl VSS.
2015 Les jones dl Volley La Ila stlüj jö l campionat VSS U20 al terzo post.
De jügn vëgnel organise l turnir de beachvolley deles scoles altes.
De lugio se archita le Raiffeisen Beachcup a San Ciascian, al vëgn tigni l turnir di ëi la sabeda y la dumenia en turnir dles ëles.
De Lazzer Marco y De Grandi Giorgio davagna l turnir de ciasa a San Ciascian.
L grup agonistich dl beachvolley La Ila se arjigna ca pur i turnirs dl Beachcup y de lugio vëgnel tigi en curs de beachvolley pur prinzipianc.
L taradizional LadiniaCup vegn indo organise l prüm fin dl edema de setember.
Tratan l altonn y l inver tol pert la scuadra de palestra de volley al campionat dla Val dl Isarch.
2016 La scuadra de volley da La Ila stlüj jö l campionat dla Val dl Iasrch al terzo post.
De lugio se archita le Raiffeisen Beachcup a San Ciascian, al vëgn tigni l turnir open di ëi y dles ëles.
De Lazzer Marco y De Grandi Giorgio davagna l turnir de Tlüses, se platza al terzo post al turnir de Sterzing y stlüj jö i campionac provinziai al cuinto post.
L Ladinia Beachcup vëgn ma plö tigni a San Ciascian de setember, l Volley Gherdeina ne organiseia nia plö na tappa.
Al vegn indo tut pert al campionat dla val d Isarch intratan l inver y  dües scuadres dles jones dl U20 tol pert al campionat provinzial VSS. La Ila 1 y La Ila 2 é les dües scuadres, che è metüdes adüm da jones de düta la Val Badia.