Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

La storia dla seziun Palon

Stampa
Ala fin di agn 60 se à sclarge fora tla Val Badia l' jüch dl palon. Tla valada el vigni paisc che a na scuadra de palon y  tl 1971 el gnü tigni l' prüm turnir a livel de valada. La Ila a sambëgn ince tut pert cun na scuadra, che se davagnè l 'prüm campionat dla Val Badia. I allenamenc y les partides gne tignides jö in Chi Parüsc. Sciöche l' inom dij bele, se tratala de pastüres da plan, mo bindebo da parü jö dlungia la Gran Ega. I jogn apasciona dl jüch al palon se incunta do vöies jö in Chi Parüsc a cöie adüm peres y a tra indërt l ''grunt , pur pudëi sughè plö sauri; inscö el gnü a se de l' prüm ciamp da palon te La Ila.

Tl 1975 el spo gnü metü sö ufizialmënter l' Uniun Sport La Ila cun a ce l' prüm presidënt Seppl Rottonara (Longer). Te chisc agn gnel sughè ma a palon.
Tl 1978  se à metü adüm sugadusc di cin paisc dl Alta Badia, pur to pert al campionat de palon provinzial de 3 categoria, dan vita inscö al Uniun Sport Alta Badia. I campionac de valada purdo bel plan de importanza, ciudi che  tres deplö scuadres tolo pert al campionat provinzial. Inscö se ala purtè pro che tl ann 1985 el gnü sugè l' ultimo campionat de palon a livel de valada.

Püch do el deventè Giuvanin (Valentini) presidënt, che se à cruziè che La Ila ciafes en ciamp da palon nü. Cun l' aiüt dl umbolt Hermann dl Soz, el ste bun a ruvè pro i finanziamenc provinziai pur la realisaziun de na plaza dl sport nöia.