Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

La Copa dl Min 2010

Stampa
Alta La Ila
Ciampiuns 2010

In dumënia ai 6 de jügn, sot an bel surëdel bun cialt èl gnü tigni la secunda ediziun dla Copa dl Min. L' turnir de palon danter les cater maius vijinanzes da La Ila vëgn organisè dal Uniun Sport La Ila.  Detenturs dl trofè fo la vijinanza da Funtanacia.

Al è gnü metü man da sughè da misdè cun le rode de cualificaziun. Vigni scuadra messa sughè cuntra les atres trëi. L' rode de qualificaziun se à stlut  jö cun Boscdaplan al prüm post cun 3 devantes y cun bëgn 8 goi fac y gnanca un ciafè, al secundo post Funtanacia, terzi La Ila Alta y cuarti Ninz.

Do les partides de cualificaziun èl spo ste ora da ji a marëna. Sucudis da Walter Stampfer y da Elisa à düc pudù se pafulè ite cun de bogn hamburgri  y se paré la gran sëi.

Do marëna èl da fa les semifinales y sambëgn ince les finales.

Tles semifinales süga la prüma dl rode de cualificaziun cuntra la cuarta y la secunda cuntra la terza.

La prüma semifnala è Ninz cuntra Boscdaplan y chilo lascia udëi Boscdaplan düta süa forza davëgnan cun le risultat de 4-1. L' atra semifinala è trö plö valia, ince l' cialt à fat süa pert stancian jö les scuadres forsc plö che le jüch. Ocajiuns da tra goi èl da una y dal atra pert, mo ma al ultimo menüt pur en fal dla defenjiun da Funtacia tira La Ila Alta l' gol dl vantaje y insciö dal devanta.

Tla prüma finala vëgnel sughè chëla pur l' terzo y cuarto post danter Funtanacia y Ninz. Funtanacia tira fora na maiù forza de urentè y cun 3 goi a 0 se fej ëla süa l' terzo post.

La tenjiun è sëgn alta, àl e ora dla gran finala, favoric e sënzater Boscdaplan cun dütes les partides davëgnades cina chësc mumënt, mo l' esperiënza dij che tl sport dl' palon ne è mai nia de sigü.

La partida mët man cun Boscdaplan che fej druch, mo La Ila Alta ne se lascia nia druchè plö de intan y è ince mindicè bindebo prigorosa dan la porta aversara. La partida và ia dër valia, cossa che degügn ne se ess mai aspetè. Boscdaplan ne n'è nia bogn da dominè sciöche tles atres partides y chësc porta tan inant che degüna scuadra ne fej gol. Risultat final 0-0. Ala vëgn da jì ai shotout. La tenjiun è tres plö alta. L' prüm shotout tira Boscdaplan che fej gol, insciö ince La Ila Alta, l' secundo shotout vëgn però falè da Boscdaplan, mo La Ila Alta ne fala plö nia, l' trofè va sö La Ila Alta, la gran festa mët man.

Sëgn restarà le trofè pur en ann a La Ila Alta y l' proscimo ann udaranse chi che pudarà se l' purtè a ciasa. Sarà le destin tres tan crüde cun Boscdaplan, che se vëiga tut la copa sot l nes pur le secundo iade?

En gran giulan ti va ala Cassa Raiffeisen Val Badia, a Walter dla Carmela, al Elisa, Arthur, Gusto y Roby.

Les foto  y val video dla Copa dl Min 2010.


Risultac dles partides:

Partides de cualificaziun

Funtanacia  1 - 0 La Ila Alta                               
 
Stefan Comploj
 
Ninz           0 - 3 Boscdaplan
                         Roberto Huber
                        
Franz Dapoz
                         Franz Dapoz
 
Funtanacia 0 - 3 Boscdaplan
                         Franz Dapoz
                        
Franz Dapoz
                         Luca Pescollderungg
 
Ninz            1 -2  La Ila Alta
Andy Varallo       Max Nicosia
                         Julian Bernardi                                                Cesco y Luca, chi che à fat plö goi; 4 vignun
 
Funtanacia  0 - 0 Ninz                            
                    0 - 2 shot out
 
Boscdaplan  2 - 0 La Ila Alta
Luca Pescollderungg
Marco Rossini
 

Partides de semifinales
 
La Ila Alta     1 - 0 Funtanacia
Max Nicosia
 
Ninz              1 - 4 Boscdaplan
                             Luca Pescolledrungg
                             Marco Rossini
                             Roberto Huber
                             Roberto Huber

Partida pur terzo Post
 
Ninz             0 - 3 Funtanacia
                            Stefan Comploj
                            Julian Pizzinini
                            Julian Pizzinini
                                                                                                                                Philipp Agreiter, l miù purtir dl turnir
La Ila Alta    0 - 0 Boscdaplan                                                                                                   
                     3 - 2 shot out

Nicosia Max                Luca Pescollderungg
Julian Bernardi          Damian Pallestrong
Feichter Arthur

 

 


Plazamënt 

Alta La Ila
Boscdaplan
Funtanacia
4° Ninz