Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

Copa dl' Min 2011

Stampa
Boscdaplan
Campiuns 2011


In dumënia ai 5 de jügn èl gnü organisè dal Uniun Sport La Ila la terza ediziun dla Copa dl' Min, turnir de palon danter 4 vijinanzes da La Ila, (Funtanacia, Boschdaplan, La Ila Alta y Ninz). Do düs finales purdüdes indolater i ultimi agn, è l trofè 2011 jü ala vijinanza da Boschdaplan.
L' turnir à metü man dales 11,00 danmisdè sön l' ciamp dl sport da La Ila. An à metü man cun les partides de cualificaziuns, che Boschdaplan à stlüt jö al prüm post cun 4 punc`, La Ila Alta y Ninz cun 3 punc` y Funtanacia cun dui punc`.
Do i rodi de cualificaziun èl ste da jì a se mangè na bona polpetta cujinada da Marco dl' bar Sport. Do marëna el ste da jì inant cun les semifinales. La prüma semifinala é gnüda sugada da Ninz cuntra La Ila Alta, ulache l tëmp regolamentar se è stlüt jö cun en bel 2-2. Dai ünescmetri ti ela garatala indere damì a chi da Ninz che à davagnè spo la partida pur 4-3. Tla secunda partida de semifinala el ste Boscdaplan che á sughé cuntra Funtanacia; Boscdaplan à purtè a ciasa le resultat davagnën pur 2-0.
Incer les trei domisdé el ora dles düs finales. La finala pur l' terzo y cuarto post é gnüda sugada fora danter La Ila Alta y Funtanacia, risultat final 2-1 pur La Ila Alta che se assigurëia l' terzo post.
L' ultima partida dl turnir pur l' prüm post ê danter la sterscia scuadra da Boschdaplan cuntra Ninz. La scuadra de Boscdaplan è bel pur l' terzo ann indolater te finala, mo ne è mai stada bona de se davagnè l' trofè. L burjù ê alt, la partida à mëtù man dër valia, mo an udo che àl ê Boschdaplan a cumanè l' jüch. insciö el suzedù che bel tl prüm tëmp el ste la scuadra da Boschdaplan
bona da fà 2 goi, un de Luca (prësc de Fanes) y en autogol de Sven. Le secundo tëmp è ste sughè sot na dërta plöia y àl ne è suzudü plö nia che es mudè l' resultat.
Boschdaplan è campiuns y se porta a ciasa l' trofè. La premiaziun è stada fata tl' bar dl Sport, ulache al è gnü ince premiè l' miù purtier, che è Philipp dla scuadra da Boschdaplan cun ma 1 en gol ciafè, y l' miù tiragoi che è Fris (La Ila Alta) cun 3 goi fac.

En giulan ti và a Marco che se à arjignè la marëna y ala Cassa Raiffeisen che à dè les copes.

Plazamënc:
1° post Boscdaplan,
2° post Ninz,
3° post La Ila Alta,
4° post Funtanacia




Resultac:
Prüm rode
Funtanacia - Boscdaplan 0-0
Ninz - La Ila Alta                 1-2 (Sven,
Fris 2)
La Ila Alta - Funtanacia      1-1 (Max, Julian)
Boscdaplan - Ninz            1-1 (Damian, Gusto Pl.)
Ninz - Funtanacia               3-1 (Gusto Pl., Walter, Sven, Christof)
Boscdaplan - La Ila Alta   1-0 (Luca)

Semifinales
Ninz - La Ila Alta                 2-2 (4-3d.r.) (Boksic,Manuel, Arthur, Max)
Boscdaplan - Funtanacia 2-0 (Kevin, Cesco)

Finales
3°-4° post
La Ila Alta - Funtanacia      2-1 (Fris, Arthur
, Julian)
1°-2° post
Boscdaplan - Ninz            2-0 (Luca, Sven autogol)

foto