Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

La Sgrafdada 2012

Stampa

  Tensciun cina
al' ultimo secunt

 

In vëindres ai 20 de messè èl gnü sughè fora LA SGRAFDADA 2012.
Cun l' sciüre de Walter dla Carmela à metü man dales 20,00 la partida de palon.
Ti prümz menüc parol che la scuadra sterscia foss chi Sot a Strada mo sciöche Sura Strada à metü man da capì che ai ne oro nia plö fa la fin da l' ann passè ai metü man da se descedè y cumanè l' jüch.

L jüch è tles mans de chi Sura Strada ince sce les mius ocajiuns à sughé fora chi Sot a Strada cun de bì cuntrapisc. Insciö ruva le prüm tëmp sön l' 0-0.
Tl' secundo tëmp indere peia ia Sura Strada ciamò cun plö convinziun de davagnè y do püch tëmp èl Cichito che pur purvè da ne ti fa nia ruvè l' palon a Stefan Casteller l' aüsel te süa rëi fajan en bel autogol.

Gnanca chësc gol ne ti dê na scassada a Sot a Strada y insciö êl Sura Strada che cumanâ.

Mo a 10 menüc dala fin mët finalmënter man chi Sura Strada da capì che insciö ne podola nia ji inant. Cun düs de gran ocajiuns falades da Cesco y Robertino ti vëgnel feter les giames debles a chi de Sot a Strada mo en fal de la defenjiun de chi Sura Strada te i menüc de tra do ti dà l' ocajiun a Kevin de Baldo de trà sön porta, y àl ne fala nia, 1-1. Tla disperaziun de chi Sura Strada tochela sëgn da jì ai tiri dai ünesc metri.

Al mët man Arthur pur chi Sura Strada y bel suzed l' prüm fal. Da chilò inant ne fala plö degügn. L' ultimo ünescmetri pur Sot a Strada ti toca a Durni, sce àl atoca spo èla fata pur chi Sura Strada. Bel avisa atochel splazan l' purtir, la festa pur Sot a Strada mët man.

Do la partida èsen ciamò jüs a se mangè na pasta y se bëir en radler al Bar dl' Sport.

En giulan a Walter che à arbitrè y a Marco dl Bar Sport che se à pascientè.


NOTES

SOT A STRADA


Philipp dl Andrè da Ciampidel 7: na segurëza te porta y pur düta la defenjiun

David de Barni da Craciurara 7: metü a düra proa dai aversars, mo cavada buniscimo

Chichito 6,5: gran grinta, datrëi ince massa, mez punt in manco pur l' autogol y pur la bocia tres daverta

Sciandro  de Franco dl Fanà 6,5: àl a fat en buniscimo laur sön süa pert, sides in difesa che ia dant

Fris 6,5: nia te süa posiziun ideala purchël en pü fora dl' jüch; tl' final dla partida fat gran druch

Arnold dl Garn Risa 7: sciöche vign ann gran grinta, pur ci che àl soga a palon en fenomen

Durni 7: bona partida, l' 7 pur la fredëza tl' ünescmetri dezisif

Cesco 6,5: sciode pur la gran ocajiun falada che ti tol mez en punt, pur l' rest bona partida

Kevin de Baldo 7,5: tecnicamënter l' miù, se à ciafè bun te dütes les posizuns che àl à curì, complimënc

Roberto de Carlo dla Banca 7: àl è saltè da man dërta a man ciampa a fà jüch y a curì büsc, brau


SURA STRADA

Luca dl Edgard 7: àl ne n'è nia en purtir, mo sé à cumpurtè dër bun ince te chësta posiziun

Arthur de Paul Cramer 6,5: le atach de chi Sot a Strada ne te i à nia dè gran preocupaziuns, bona partida, mez en punt demanco pur  l' fal sön l' aziun dl' pareggio

Giorgio de Maria de Ciach 6,5: en defensur tres dër ri da passè

Stefan de Paul de Sceverino 6,5: ince ël cun problems fisici, mo s'l' à impò cavada dër bun

Max de Pino 7: fej tres en gran laur dala defenjiun cina in atach

Christof da Verda 7: cun Max y Gusto al formè en mezciamp ri da passè y che ti à de en gran jüch al scuadra

Gusto 7: sön süs cualites ne discutunse nia, gran partida

Arnold da Ninz 7: ince àl pur ciche àl süga al palon ma da ti fa i complimënc, gran atlet

Luca de Edi dl Tamà 7: en sugadù dl' dagnì, fisicamënter ciamò mëssa jon y debl pur na tè partida, mo ci tecnica, brau

Stefan dl'  Casteller 6,5: debilitè fisicamënter, mo sciöche tres de düt ci che è te süs poscibilites, mancia mà l' gol