Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

2009 La Copa dl Min

Stampa
FUNTANACIA davagna la prüma Copa dl Min

La vijinanza da Funtancia à davagné la prüma ediziun dl turnir de palon inanter les vijinanzes dl paisc da La Ila.

In dumënia ai 7 de jügn, do na finala sugada dër bun y en turnir dër cumbatü, á la vijinanza da Funtanacia pudü bagnè jö la devënta dla prüma ediziun dla “Copa dl Min”.
Tl turnir de palon, metü a ji dal Uniun Sport Amatorial La Ila, se a incuntè les 4 maius vijinanzes dl paisc;Boscdaplan, La Ila Alta, Ninz y Funtanacia, nia ma pur passé adüm en bel dé de sport mo suradüt pur ciafé fora, ciüna che è la miú vijinanza da sugé al palon.


Sot a en cil, che manacia tröpa plöia, se à da duman incrujè les scuadres te en rode su. Tröpa grinta e urenté sintin sön le ciamp de jüch, ince sce tröc sugadus è apena gnüs zruch l'dé denant dal sfadiant palegrinaje de Jeo. La vijinaza da Boscdaplan á salpü sughé dër bun les prümes partides con l'resultat da davagné l`rode, cun 3 deventes sön 3 partides. Al secundo post se al plazé Ninz, treza la scuadra da Funtancia y ala fin chëla de La Ila Alta.
Do na bona grigliada el ste spo l'mumënt dles semifinali, ulach tla prüma partida, sugada sot a na gran plöia cun cinamai val menüt de granijures, el sté la scuadra da Funtanacia che á arjunt la finale cun l'resultat de 4 a 2.
Tla secunda semifinala, cun l`resultat nia sigü cina al ultimo secund, se á conferme Boscdaplan sciöche scudra da bat, arvan te finale cun na devënta pur 1 a 0 sön La Ila Alta.
La finale á stata sugada sot a n bel surëdl y an à udü tan che les dües scudres tigni a davagné y da se descmustré la miù vijinaza dl paisc.
Tl prüm tëmp à purté en gran gol de rovesciada dl atacant da Funtanacia Manfred Castunger la partida sö l' 1 a 0. Chësc è ince ste l'prüm gol fat ala scuadra da Boscdaplan tratan l'turnir.
Atira do l’vantaje da Funtanacia, la gran urenté á dé na gran reaziun a Boscadaplan, culminada cun en bel gol da dalunc de Daniam Pallestrong. Ala fin dl prüm tëmp è l'resultat chit sön l' 1 a 1.
Da mët man dl secundo tëmp è stada la partida dër valia y an punsa bel a na fin cui ünescmetri. Trëi menüc dan l'sciüre de fin è l'atacant da Funtancia Stefan Comploj ste bun da anuzè en fal dla defenüda da Boscdaplan tiran l'gol dl 2 a 1. Les tröpes ocajiuns dla scuadra da Boscdaplan ne á nia albü suzess giulan a la bona difenüda y les tröpes parades dl purtir da Funtanacia.
Ala fin de en turnir garaté dër bun à la scudra da Funtancia pudü purté a ciasa la “Copa dl Min”, en aje secundo post ti va a Boscdaplan, al terzo post se plaza Ninz che á davagne la “finalina” cuntra La Ila Alta.
Tratan la premiaziun el ince ste surandè en pest a Matthias Stampfer da Ninz sciöche miu “tiragoi” dl tunir che è ste bun da fa 7 goi. L' miú purtir é ste Thomas Valentini da Boscdaplan, che á ciafè mader dui goi, trami te finale.
Pur chëst ann pudarà i bogn sugadus da Funtancia bravé cun so paejans, mo les atres vijinanzes aspeta bel ert l’proscimo ann ala secunda ediziun dla “Copa dl Minn”, pur udëi sce la copa restarà tles medemes mans o sce ala ciafarà nüs patruns.
En bel giulan ti va ala Cassa Raiffeisen Val Badia y a Walter Stampfer pur la bona grigliada.(rh)

Risultac

1° Funtanacia
2° Boscdaplan
3° Ninz
4° Alta La Ila


Finale             Funtanacia     -   Boscdaplan         2:1
Finalina           Ninz               -   Alta La Ila           3:1

Semifinale 1     Boscdaplan   -   Alta La Ila           1:0
Semifinale 2     Funtanacia    -   Ninz                    4:2


FOTOS