Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

L' Re dla Falda 2010

Stampa
En "Kniabiaga"
l' Re dla Falda 2010
In jöbia sëra ai 25 de merz el gnü a se de la secunda incuntada de La Falda 2010. Tres sön la pista Do Ninz a La Ila se à incuntè telemarkres y telemarkri pur ciafé fora l Re dla Falda 2010. Al vers di ultimi agn ulache an tigni en slalom paralel, chëst ann an fat fora da fa na gara tlasica de telemark.Pro la gara tlasica mess i telemarkri mustré süa abilitè te en toch de paslunch, tl salt y ala fin tra les portes. Nia ma l tëmp cumpada, mo ince la tecnica da arsi do l salt y la posiziun de telemark pro les portes.

Indüt se al scrit ite 28 atlec nia ma dla Val Badia, mo ince da Puster y dal England y tra chisc al tut pert ince 7 ëles.
Incer les nü da sëra el spo piè ia l'prüm telemarker. I favoric e sanbëgn i resc dla Falda di ultimi agn, Richard Miribung (2008) y Martin Volgger (2009) da Raischach. Schöche la tradiziun ò, el indo chëst ann i "Kniabiaga"(Telemark Club da Burnech) che se musüra cuntra i telemarkri dl Uniun Sport La Ila.
Do che Martin Volgger, miù cunesciü schiöche Fridl, à sclubrè les ultimes portes el ciamo düt davert pur Richard Miribung. Da alze fora les bones proes de Manfred Seeber, Richard Feichter, Stefan Pizzinini y Günther Frena. Ert el düc che aspeta la proa de Richard Miribung. Do na bona proa tl paslunch y tl salt è l' re dla Falda 2008 tumè fora pro les ultimes portes. Andy Frenademetz che podo ciamò salvè l'titul te ciasa, è ste ingianè dal salt, che ti à spo custe en bun plazamënt.
Inscö se davagna la terza ediziun dl Re dla Falda Manfred Seeber da Valdaura, secundo rüva Martin Vollgger da Raischach y  terzo Richard Feichter da La Ila. Pro les ëles an pudü fa na categoria a pert chëst ann; la miù è stada Kate Haring (Australia), al secundo post se à plazè Giusy Rottonara da La Ila y Pedevilla Verena da San Ciascian à stlüt jö al terzo post.

La premiaziun è stada tignida tla ustaria La Bercia, ulache vigni telemarker á pudü se mange na bona pasta y to pert a na picera ola dla furtüna.
La sëra é spo jüda a piz in cumpagnia, cun la müjiga de DJ Lük.

En gran giulan ti va ai dui noleggi di schi da La Ila; Alta Badia Shop & Rental y Skiservice Renato, ala societè dai lifc`de Gherdenacia y ala Scola de schi da La Ila.

En bel giulan ti va sambëgn a chi che à sostigni La Falda: Cassa Raiffeisen Val Badia, Häglöffs, Pizzeria La Bercia y l'Hotel Restaurant Lech da Sompunt.

Plazamënc