Giulan a

  • Sponsor
  • Sponsor
  • Sponsor
  • Sponsor
  • Sponsor
  • Sponsor

LA FALDA 2009

Stampa

foto_podio"L'Rè dla Falda 2009“ baia puster

 

La Ila – Telemarkri dla Val Badia y de Puster se à incuntè sön la pista „Do Ninz” pur se stritè fora l' titul dl „Re dla Falda.2009.

Sciöche bele ta trëi agn incà, se à ince chësc inver incuntè tröc`amisc dl telemark in gaujiun de „La Falda“; les düs incuntades de telemark metüdes a ji dal' Uniun Sport La Ila.

La prüm apuntamënt, batiè „La Gran Ota“ è gnü a se de la jöbia ai 19 de forà sön la pista “Do Ninz” a La Ila. Sö pur 40 telemarkres y telemarkri ne sé à nia lascé sprigurè dal gran frëit y à anuzè la sëra pur storje l’ junëdl in cumpagnia. Maestri y istruturs nazionai de telemark à de cunsëis y mustre dant la dërta tecnica de chesc sport. La sëra se à stlüt jö incër les disc cun la “Gran Ota”, te chel che düc` i partezipanc` à purvé de fa na ota in telemark se tignan pur man.
La secunda incuntada, „L' Re dla Falda“, è gnüda tignida in jöbia ai 26. de merz; söl program el na gara de telemark in paralel pur ciafé fora l' plö asvelto da lubrì la ciaidla tra les portes. Bëgn 16 é sta i telemarkri che à vaghè da to a cunt la pista de Do Ninz iluminada a dè. Do che i atlec` se à scrit ite, cun gran ligrëza an pudü cunstatè che al se à ince scrit ite dües ëles; Karin Pizzinini da Calfosch y Verena Pedevilla da San Ciascian. Incër mesa les nü da sëra el piè ia l' prüm duet de telemarkri. Do 28 rodi de eliminaziun è restà ma plö cater telemarkri a se stritè fora l' titul de Ré dla Falda 2009; dui „Kniobiaga“ de Puster cuntra dui telemarkri dl Uniun Sport La Ila. Pur l’ terzo post el Daniel Pescollderungg da Calfosch che à messè cubate cuntra Seeber Klaus da Valdaura. Davagnè á pur püch l cunfrunt l telemarker da Valdaura tla terza manche, Daniel Pescollderungg à insciò messè se acuntenté dla medëia de lëgn.

L' rode pur l' prüm post è ste nia manco cumbatü, schiöche l' ann passè se la stritada fora Richard Miribung, l' Re dla Falda 2008 da La Ila y Martin Volgger da Raischach. Do che trami i finalisc` se à davagnè na manche a cè, el chëst ann ste le puster Martin Volgger che á taiè l’ travert mez en schi dan Richard Miribung, se tulan insciö na revanche dal' ann passè.

Do les incuntades sön pista se à spusté düc` tl ustaria “La Bercia, ulache do na bona pasta el gnü tigni la premiaziun. Do che i cater mius telemarki dla sëra à pudù piè do les medëies el ste DJ Lük, che se à cruzie` che la sera se stlujes jö in festa.

En gran giulan ti va ai dui noleggi di schi da La Ila; Alta Badia Shop & Rental y Skiservice Renato, che à metü a disposiziun debann i cailzà y schi da telemark, ala societè dai lifc`de Gherdenacia y ala Scola de schi da La Ila.

En bel giulan ti va sambëgn ai sponsor de chesta manifestaziun: Cassa Raiffeisen Val Badia, Pizzeria La Bercia y l Hotel Restaurant Lech da Sompunt.

Plazamënc`

1° Post:Martin Volgger (Raischach)

2° Post:Richard Miribung (La Ila)

3° Post: Klaus Seeber(Valdaura)

4° Post:Daniel Pescollderungg(Calfosch)

5° Post: Ladstätter Hannes (Valdaura) y Seeber Manfred (Valdaura)

7° Post: Costa Patrick (Al Plan) y Gasser Freddy (Pursenù)

9° Post: Frena David (San Ciascian), Alex Irsara (La Ila), Guido Vareschi (Sterzing), Icaro De Monte (Calfosch)

13° Post: Pizzinini Karin (Calfosch), Pedevilla Verena (San Ciascian), Pizzinini Stefan (La Ila), Irsara Andreas (La Ila)